Դոնալդ Թրամփն ընտրվեց ԱՄՆ 47-րդ նախագահ, գրում է VOA-ն։ Նշվում է, որ Վիսկոնսինում հաղթանակով Թրամփը ստացել է նախագահ դառնալու համար անհրաժեշտ ընտրիչների 277 ձայները։ Նրա հաղթանակն արդեն հաստատել են բոլոր խոշոր լրատվամիջոցներն ու հետազոտական գործակալությունները, այդ թվում՝ Associated Press-ը, CNN-ը, Reuters-ը և Edison Research-ը: «Ամերիկան մեզ աննախադեպ և հզոր մանդատ է տվել»,- վաղ առավոտյան ասել է Թրամփը Ֆլորիդայի Փալմ Բիչ շրջանում դիմելով երկրպագուների ոգևորված ամբոխին: VOA-ն նշում է, որ Թրամփի քաղաքական կարիերան, կարծես, ավարտված էր այն բանից հետո, երբ 2021 թվականի հունվարի 6-ին ընտրությունների կեղծման մասին նրա պնդումները հանգեցրին Կապիտոլիոմ նրա կողմնակիցների ներխուժման՝ փորձելով տապալել 2020 թվականին կրած պարտությունը: Սակայն, նշում է լրատվականի, Թրամփը հաղթեց իր դեմոկրատ մրցակից Քամալա Հարիսին՝ օգտվելով ընտրողների՝ բարձր գների և անօրինական ներգաղթի պատճառով աճող հանցագործությունների վերաբերյալ մտահոգություններից:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
