Hraparak.am-ը գրում է.
Հայաստանը պետք է հասկանա, որ խաղաղության արմատները, սերմերը այստեղ են, այլ ոչ թե Վաշինգտոնում, Բրյուսելում և Փարիզում։ Այս մասին լրագրողներին ասել է Ադրբեջանի նախագահի օգնական Հիքմեթ Հաջիևը, գրում են ադրբեջանական ԶԼՄ-ները։
Նրա խոսքով, խաղաղությանը նպաստելու և լուրջ հաջողությունների հասնելու համար Հայաստանը պետք է հայացք նետի դեպի տարածաշրջան և շարունակի բանակցությունները Ադրբեջանի հետ։
«Ադրբեջանը լավ մտադրություններ ունի. ապահովվեց մեր երկրի ինքնիշխանությունը, տարածաշրջանում ի հայտ եկավ նոր ստատուս քվոն, և այս ստատուս քվոն լեգիտիմ է՝ հիմնված արդարության, միջազգային իրավունքի վրա։
Նախկին ստատուս-քվոն, որը Հայաստանը ստեղծեց՝ օկուպացնելով ադրբեջանական հողերը, պաշտպանում էին նաև Հայաստանին աջակցող Մինսկի խմբի անդամները, դա անարդար էր և անընդունելի»,- ընդգծել է Հաջիևը։