Իլհամի՝ Խոջալուում կատարած հայտարարություններն այն մասին, որ Հայաստանը պետք է ճանաչի ցեղասպանությունն ու ներողություն խնդրի, ուշագրավ են հատկապես երկու երկրների միջև հարաբերությունների հնարավոր կարգավորման կամ կնքվելիք խաղաղության համաձայնագրի վերաբերյալ խոսակցությունների ֆոնին: Բայց առավել կարևոր է Իլհամի պահանջները դիտարկել դեմարկացիա կոչված թատրոնի խորապատկերին, որը ոչ այլ ինչ է, քան դեմարկացիայի անվան տակ հող հանձնելու նիկոլական օպերացիա, որի գինը իբր պետք է դառնա երկու կողմերի միջև խաղաղությունը:

Ակնհայտ է, որ Իլհամի՝ Խոջալուի մասին արած հայտարարությունն ունի հեռուն գնացող նպատակներ: Նա վաղը հայտարարելու է, որ եթե Նիկոլն իսկապես ուզում է խաղաղություն, ապա պետք է ճանաչի Խոջալուի դեպքերը որպես ցեղապսանություն: Ավելին՝ Հայաստանից ստանալով այն ամենը, ինչ ուզում է՝ Իլհամը կարող է հաջորդ պահանջը դնել Հայաստանի առաջ՝ հայտարարելով, որ եթե հայերը չխոստովանեն, որ ցեղասպանւթյուն են արել, ոչ մի խաղաղության պայմանագիր էլ չի կնքվելու:

Հետաքրքիր կլինի այդ պահին տեսնել Նիկոլի դեմքի արտահայտութունը՝ հաշվի առնելով, որ հողերի հանձնման ներկայիս օպերացիան Նիկոլն իրականացնում է խաղաղության մասին քարոզի ներքո: Ճիշտ է՝ նա նաև անկեղծ խոստովանում է, որ փաստացի խաբում է՝ խաղաղություն խոստանալով, բայց ՔՊ-ական պրոպագանդան հենց այդ ուղղությամբ է աշխատում՝ Նիկոլի ինքնախոստովանությունները չտեսնելու տալով:

Նիկոլը Խոջալուի դեպքերը կճանաչի՞ ցեղցասպանություն: Կասկած չունենաք: Դրա համար Իլհամը պետք է մի բան անի՝ Բաքվի բանտում պահվող արցախյան ռազմաքաղաքական ղեկավարներից մեկի հետ հարցազրույց անի ու դրանով շանտաժ անի, թե կհրապարակի այն,եթե Նիկոլը չճանաչի. Տավուշի հանձման գործը Իլհամը հենց այդպես գլուխ բերեց: Վստահ եղեք՝ Նիկոլը ոչ միայն Խոջալուի թատրոնը կճանաչի որպես ցեղասպանություն, այլև Երևանում մի շքեղ հուշահամալիր կկառուցի՝ պարտադրելով բոլորին այցելել այնտեղ ու ներողություն աղերսել Իլհամից, որ Մեհրիբանը հանկարծ չնեղվի:

Այդ օրն էլ է գալու, եթե չհաջողվի Նիկոլին ուղարկել պատմության աղբանոց անել:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել