Վերջապես ամառ է, և կարելի է վայելել թարմ հատապտուղները, մրգերն ու բանջարեղենը։ Հենց այս սեզոնի համար են տարատեսակ համեղ աղանդերները թարմ հատապտուղներով և մրգերով, որոնք ոչ միայն համեղ են, այլև զովացնող։ Շոգ ամռան ամենասիրելի և պարզ աղանդերը դոնդողն է։
Անհրաժեշտ բաղադրիչներ
- 250 գրամ թթվասեր
- 6 ճ/գ շաքարավազ
- 40 գ ժելատին
- 500 գ ելակ
- 100 գ հապալաս
- 400 մլ եռացրած ջուր
Պատրաստման եղանակը
1. Եռացրեք 250 մլ ջուր և լուծեք մեջը 20 գրամ ժելատինը։
2. Լվացեք ելակը և խյուսի վերածեք 4 ճ/գ շաքարավազի հետ միասին։ Մնացած հատապտուղները 4 մասի բաժանեք։
3. Հատապտղային խյուսի վրա լցրեք ելակի կտորները և դոնդողային խառնուրդը և 3 ժամով դրեք սառնարանը։
4. Եռացրեք 150 մլ ջուր և մեջը լուծեք ժելատինը։ Ավելացրեք 2 ճ/գ շաքարավազ և խառնեք։ Սառեցրեք և խառնեք թթվասերի հետ։
5. Հապալասը խառնեք թթվասերի հետ (կարող եք վերցնել ցանկացած հատապտուղ)։
6. Թթվասերային խառնուրդը լցրեք սառած հատապտղային դոնդողի վրա և թողեք սառնարանում ևս 3 ժամ։
