Խորհրդարանական այսօրվա քննարկումները հերթական անգամ հաստատեցին, որ Հայաստանի Հանրապետության իշխանության ղեկին են հայտնվել անձինք, որոնք ոչ միայն որևէ առնչություն չունեն պետականության, պետության գաղափարների հետ, այլև վաղուց դադարել են լինել ադեկվատ:
Սովետական ոճով միմյանց հասցեին ուղղված գովասանքի կենաց-ճառերը, հասարակությանը ուղղված ճոռոմ բառակույտերը և ընդդիմախոսների հասցեին չարի ու բարու տիրույթում արվող հոխորտանքները և բարոյախրատական ելույթները փաստում են այն պնդումը, որ ՀՀԿ-ականները՝ ի դեմս Սերժ Սարգսյանի, մնացել են նույն սովետական կոմերիտականները:
Ակնհայտ է, որ որքան երկար շարունակի ՀՀ-ում իշխել անձնագրով նժդեհական, բովանդակությամբ բոլշևիկյան այս քաղաքական ուժը, այդքան արագ մենք կկորցնենք անկախության տարիների ձեռքբերումները, և այնքան մշուշոտ կդառնա երկրի լինելիության հարցն առհասարակ:
Ուստի այս իշխանությունների դեմ պայքարը բնույթով ազգային-ազատագրական պայքար է՝ ընդդեմ ուզուրպատորների, հանուն Հայաստանի Հանրապետության գոյության:
Նյութի աղբյուր՝ https://www.facebook.com/pogp.tatev/posts/4118295133194
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել