Եկեղեցին վարկաբեկելու նպատակով իշխանությունները հրապարակել էին Եզրաս սրբազանի վերաբերյալ մի անհայտ ծագման փաստաթուղթ՝ պնդելով, թե 80-ականների վերջերին նա համագործակցել է ԽՍՀՄ հատուկ ծառայությունների հետ: Այսպիսով՝ Նիկոլը փորձել է իբր ցույց տալ, թե իր պայքարը Գարեգին Երկրորդի դեմ պայքար է՝ ընդդեմ գործակալների:

Ուշագրավն այստեղ ոչ այնքան ներկայացված փաստաթուղթն է, որի իսկությունը դեռ պետք է պարզել, որքան այն, որ հատուկ ծառայությունների հետ համագործակցության հիմքով հոգևորականին կամ եկեղեցուն վարկաբեկել փորձում է մեկը, որի պապը եղել է դավաճան, իսկ ենթական՝ Միրզոյան Արոն, փաստաթղթավորված կրկնակի գործակալ է. գործ է տվել նախ՝ թուրքերին, հետո՝ մերոնց: Ավելին՝ Արշակ Կարապետյանը հայտարարել է, որ իր ձեռքի տակ է Նիկոլի՝ ամերիկյան գործակալ լինելու փաստը հաստատող համապատասխան փաստաթուղթը՝ խոստանալով այն հրապարակել ճիշտ պահին:

Հիմա այս մարդը փորձում է «ձվի մեջ մազ փնտրել» ու այլոց գործակալ հանրահռչակե՞լ: Պատկերացնո՞ւմ եք՝ ուր ենք հասել:

Հասել ենք մի տեղ, որտեղից անդին պետության ֆիզիկական չգոյությունն է, մի խորխորատ, որտեղ ընկնելու դեպքում, հետդարձի ճանապարհի մասին կարող ենք մոռանալ առհավետ:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել