Չկարողանալով պատասխանել այն հարցին, թե ինչպես կարող է ինքն իրեն հույժ թափանցիկ ներկայացնող վարչապետը մեկ գիշերվա մեջ միանգամից 6 ղեկավարի հարցերը լուծել՝ ՔՊ-ական Փամբուխչյան Արմենը հայտարարել է, որ Նիկոլը ինքն իրեն չի ազատում պաշտոնից, քանի որ ժողովրդի կողմից ընտրված վարչապետ է, և իրեն կարող է ազատել պաշտոնից միայն ՀՀ ժողովոհրդը: Նա սա ասել է ի պատասխան այն նկատառման, որ հենց Նիկոլն է հանդիսանում գլխավոր պատասխանատուն:

Մի հարց՝ իսկ ժողովուրդն ինչպե՞ս պետք է ազատի Նիկոլին պաշտոնից, բացառապես հերթական ընտրությունների միջոցո՞վ, թե՞ հընթացս հիասթափվելու դեքում նաև այլ ձևերով՝ նկատի ունենալով այն, թե ինչպես է Նիկոլը ժամանակին իշխանության եկել. 2017-ի ընտրությունները ՀՀ նորանկախ պատմության մեջ ամենաիդեալականն էին, բայց դա չխանգարեց արկածախնդիրներին երկրում հեղափոխություն անել:

Ընդդիմադիր բոլոր շարժումների ժամանակ հսկայական թվով ժողովուրդ է դուրս գալիս փողոց ու պահանջում իշխանությունների հրաժարականը, դա հաշիվ չէ՞, թե՞ այդ դեպքում Նիկոլն ունի պլան «բ»՝ ժողովրդի ուղղությանբ նետվող նռնակների կամ բամզահազար ոստիկանական զորքերի տեսքով: Տեսանք, չէ՞, ինչ եղավ ամռանը, երբ ժողովուրդը փորձում էր արտահայտել իր դիրքորոշումը,արդար ցասումը:

Նիկոլն իրական բռնապետ է, և տվյալ դեպքում ժողովրդի անվան արծարծումը որևիցե լեգիտիմություն ՔՊ-ին չի հաղորդում, այլ միայն ընդգծում է դրա հակաժողվրդական ու հակաժողովրդվարական էությունը:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել