Մոբիլ սարքավորումների տեսախցիկների հայտնի բենչմարկի՝ DxOMark-ի հեղինակները հրապարակել են 2019 թվականի սմարթֆոնների լավագույն տեսախցիկների ցանկը:
Լավագույն ունիվերսալ տեսախցիկներն են. Huawei Mate 30 Pro / Xiaomi Mi CC9 Pro Premium Edition
Հետաքրքիր է, բայց լավագույնի կոչումը ստացել են ոչ թե iPhone-ն ու Galaxy-ն, այլ երկու չինացիները: Huawei Mate 30 և Xiami Mi CC9 Pro սմարթֆոնները հարմար են ինչպես լուսանկարելու, այնպես էլ տեսագրելու համար:
Տեսանկարելու համար լավագույնը՝ iPhone 11 Pro Max-ն է: iPhone 11 Pro Max-ը գովում են նաև ճշգրիտ գունափոխանցման, ավտոէքսպոզիցիայի և սպիտակի հավասարակշռության համար:
Լավագույն zoom-ը. Xiaomi CC9 Pro Premium Edition սմարթֆոնինն է: DxOMark-ի փորձագետների կարծիքով այս սմարթֆոնի zoom-ը իր որակով համեմատելի է «իսկական տեսախցիկների» հետ:
Ուլտրա-լայն կադրերի համար լավագույնը՝ Samsung Galaxy Note10+ է:
Բնապատկերների, ճարտարապետության կամ պարզապես մարդկանց մեծ խումբ նկարելու համար Galaxy Note10+ սմարթֆոնը լավագույն ընտրությունը կլինի: Նրա լայնանկյուն օբյեկտիվը լավագույնն է ճանաչվել սմարթֆոնների մեջ:
Գիշերային նկարահանումների համար լավագույնը Huawei Mate 3-ն է: Այնպես որ, եթե ձեզ համար կարևոր են գիշերային նկարահանումները, ընտրեք Huawei Mate 30 Pro սմարթֆոնը: