2024 թվականի սեպտեմբերի 10-ին Շենժենում տեղի ունեցավ գալա միջոցառում՝ նվիրված Huawei ULTIMATE DESIGN կոնցեպտին։ Միջոցառումն ուղեկցվեց տպավորիչ շոու-ծրագրով և ռիթմիկ երաժշտությամբ, որ լավագույնս համապատասխանում է կոնցեպտի էությանը: Ցուցադրվեցին պարային շքեղ համարներ, որոնք մարմնի լեզվով արտահայտում են Huawei-ի տեսլականն ու վճռականությունը՝ նորարարական տեխնոլոգիաների ոլորտում նոր բարձունքներ գրավելու ճանապարհին:
HUAWEI բրենդի «Dream it Possible» կոմպոզիցիան արտացոլում է սեփական երազանքների հետևից գնալու կարևորությունն ու ընդգծում, որ ընկերության նորարարական բոլոր նվաճումները հնարավոր են դարձել սեփական հաջողության հանդեպ անմնացորդ հավատի շնորհիվ:
Միջոցառման ընթացքում ելույթ ունեցավ Ռիչարդ Յուն՝ ընկերության գործադիր տնօրեն, Consumer Business Group-ի խորհրդի նախագահ և Huawei Intelligent Automotive Solution-ի տնօրենների խորհրդի նախագահ: Նա խոսքում նշեց. «Մենք երբեք չենք դադարել նորարարական գաղափարներ առաջ քաշելուց և երբեք չենք հրաժարվել դրանք կյանքի կոչելուց: Հենց դրա շնորհիվ կարողացանք մշակել շուկայում առաջին եռակի ծալվող սմարթֆոնը՝ HUAWEI MATE XT Ultimate design-ը1»։
Նորարարական դիզայն և էսթետիկ կատարելություն
Huawei-ը շարունակում է պահպանել առաջատար դիրքերը սարքերի դիզայնի ոլորտում և սպառողներին ներկայանալ յուրահատուկ և էսթետիկ առաջարկներով: HUAWEI MATE XT Ultimate design սմարթֆոնը ժառանգել է նախորդ սերնդի ULTIMATE DESIGN սարքերի խորհրդանշական սիմետրիկ դիզայնը: Սարքի փայլուն մակերեսը ստեղծվում է բարդ սինուսոիդային մշակման շնորհիվ: Այդ ճանապարհով ստեղծված յուրաքանչյուր կորությունն ու դետալը սարքին տալիս են նրբագեղ և առանձնահատուկ տեսք:
Նորարարական տեխնոլոգիաներ և առաջադեմ զարգացումներ
Huawei-ը մշտապես ձգտում է տեխնոլոգիական նորարարության և օգտատերերին առաջարկում առաջադեմ հնարավորություններ ու սարքեր, ինչին հասնում է՝ կատարելով շարունակական ներդրումներ տեխնոլոգիական զարգացման և ընթացիկ ուսումնասիրությունների մեջ:
Նոր սմարթֆոնը համալրված է պտտվող մեխանիզմների վրա հիմնված նորարարական համակարգով, որի շնորհիվ կարող է ծալվել դեպի ներս և դեպի դուրս։ Գերթեթև պտտվող կոնստրուկցիաներն ունեն ճշգրիտ կարգավորում, ինչի շնորհիվ էկրանը ծալվում է զարմանալիորեն սահուն:
HUAWEI MATE XT Ultimate design-ի իմերսիվ էկրանը պատրաստված է ճկուն նյութերից, որոնք թույլ են տալիս էկրանը հեշտությամբ ծալել տարբեր ուղղություններով՝ ինչպես դեպի ներս, այնպես էլ դեպի դուրս:
Նորարարական փորձ և զարմանալի հնարավորություններ
HUAWEI MATE XT Ultimate design-ը փոխում է մեր պատկերացումները սմարթֆոնի հնարավորությունների մասին: Այն թույլ է տալիս էկրանն օգտագործել երեք տարբեր ռեժիմով՝ լիովին բացված, երկակի կամ եռակի ծալված:
Լիովին բացված վիճակում էկրանը ստեղծում է այնպիսի իմերսիվ էֆեկտ, որ դիտողն իրեն բառացիորեն զգում է մեդիա կոնտենտի մեջ: Բացի այդ՝ անհամեմատ հեշտանում է անհրաժեշտ տեղեկատվության արագ որոնումը:
Երկակի ծալված էկրանով ռեժիմում սմարթֆոնը կատարյալ է հոդվածներ և նամակներ կարդալու համար, իսկ լիովին բացված էկրանով օգտատերը կարող է կենտրոնանալ մեկ գործողության վրա, օրինակ՝ զանգահարել կամ լուսանկարել:
Նորարարական լուսանկարչություն. հավերժացրեք կյանքի գեղեցիկ պահերը
Huawei-ը բջջային լուսանկարչության նորարարությունների ոլորտի առաջատարն է: HUAWEI MATE XT Ultimate design-ի բարակ կարպուսը ցուցադրում է պատկերի մշակման եզակի տեխնոլոգիայի՝ HUAWEI XMAGE-ի հզոր հնարավորությունները: Կարգավորման 10 աստիճան ունեցող ֆիզիկական դիաֆրագման թույլ է տալիս ստանալ ապշեցուցիչ կադրեր նկարահանման տարբեր պայմաններում: Հեռավոր սարերից մինչև ծաղկի վրա գտնվող փոքրիկ միջատներ պատկերող լուսանկարները դառնում են արտահայտիչ և տպավորող: Տեսախցիկը նաև ապահովում է ակնթարթային նկարահանման ֆունկցիա, ինչը հնարավորություն է տալիսանհավատալի հստակությամբ նկարահանել նույնիսկ արագ շարժվող առարկաները:
HUAWEI MATE XT Ultimate Design-ում ներդրված շարժական սարքերի նոր ձևավորման նոր մոտեցմամբ սմարթֆոնի աշխատանքն ավելի արդյունավետ է դառնում, դրանով կազմակերպված ժամանցն՝ ավելի գրավիչ: Որպես շուկայում առաջին եռակի ծալվող սմարթֆոնը2՝ HUAWEI MATE XT Ultimate design-ն ընդլայնում է ծալվող սարքերի հնարավորությունները։
Huawei-ը երբեք կանգ չի առնում նվաճումների որևէ փուլում, այլ շարունակում է առաջ շարժվել՝ կատարելագործելով իր բրենդային ինքնություն և առաջարկելով առաջադեմ տեխնոլոգիաներ, առանձնահատուկ դիզայն և օգտագործողի պրեմիում փորձ:
1Տվյալներն ակտուալ են 2024 թվականի սեպտեմբերի 10-ի դրությամբ՝ հիմնված պաշտոնապես թողարկված սարքերի վրա։
2Տվյալներն ակտուալ են 2024 թվականի սեպտեմբերի 10-ի դրությամբ՝ հիմնված պաշտոնապես թողարկված սարքերի վրա
