ԱՄՆ առողջապահության ազգային ինստիտուտի մաս կազմող նյարդաբանական խանգարումների և ինսուլտի Ազգային ինստիտուտում գիտնականները հայտնաբերել են աղի նոր վտանգ: Այս մասին գրում է EurekAlert!-ը:

Մասնագետները պարզել են, որ աղի շատ օգտագործումը կարող է առաջացնել կոգնիտիվ խանգարում, ընդհուպ՝ մինչև մարազմ:

Փորձերն իրականացվել են հետազոտական մկների վրա, որոնք ընդունել են շատ նատրիում պարունակող սնունդ:

Նրանց մոտ առաջացել են թուլամտության ախտանշաններ: Աղը բերել է աղիքների բացասական փոփոխությունների, ինչպես նաև՝ ուղեղի արյան հոսքի նվազման:

Մանրամասն ուսումնասիրությունը ցույց է տվել, որ խախտումներն առաջացել են տաու սպիտակուցի կուտակման պատճառով: Երբ գիտնականներն արգելափակել են տաու սպիտակուցը ծածկագրող գենը, աղային դիետան այլևս թուլամտություն չի առաջացրել:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել