Մարդու իրավունքների պաշտպանը Սահմանադրական դատարան ներկայացրել է դիմում, որը վերաբերում է Հայաստանի Հանրապետության կառավարության որոշման Սահմանադրությանը համապատասխանության հարցը որոշելուն, այնքանով, որքանով վիճարկվող դրույթներով սահմանվում է բացարձակ արգելք՝ երկու ականջի կայուն լրիվ խլություն կամ խուլհամրություն, երկու աչքերի (բինօկուլյար) կուրություն ունեցող անձանց՝ դատավորի պաշտոնում նշանակվելու համար։
Նշված դիմումի քննության շրջանակներում Սահմանադրական դատարան կարծիք է ներկայացրել ոլորտում ակտիվ գործունեություն իրականացնող հասարակական կազմակերպություններից մեկը:
Մարդու իրավունքների պաշտպան Անահիտ Մանասյանը առանցքային է համարում գործընկեր հասարակական կազմակերպությունների գործունեությունն ու նրանց հետ համագործակցությունը:
Նկարում պատկերված է դատական սև հանդերձով տղամարդ դատավոր Դեյվիդ Ս․ Թեյթլը՝ կանգնած իր գործընկերների՝ կին և տղամարդ դատավորների կողքին դատական դահլիճում։ Թեյթլն ունի մոխրագույն մազեր, փակ աչքեր և կրում է լարով ականջակալ։ Նկարի վրա տեղադրված է մեջբերում․ «Դատական ծառայության մեջ էականը ոչ թե այն է, թե արդյոք դատավորն ունի՞ հաշմանդամություն, այլ այն, թե նա կարո՞ղ է խելամիտ հարմարեցումների դեպքում կատարել իր դատավարական պարտականությունները»: Մեջբերումը պաշտոնաթող դատավոր Դեյվիդ Ս․ Թեյթլինն է։ Վերևի աջ հատվածում նշված է լուսանկարի հեղինակը՝ © Michael Robinson Chavez/Getty Images։ DRA-ի պատկերանշանը տեսանելի է վերևի ձախ անկյունում։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել