Ուկրաինայի նախագահ Վոլոդիմիր Զելենսկին հայտարարել է, որ իր երկրի զինված ուժերը շարունակում են հարվածել Ռուսաստանի տարածքի խորքերում տեղակայված տարբեր ռազմավարական թիրախների։
«Արմենպրես»-ի հաղորդմամբ՝ այս մասին Զելենսկին գրառում է կատարել X-ի իր միկրոբլոգում՝ տարածելով նաև համապատասխան տեսանյութ։
Ukraine continues applying long‑range sanctions in response to Russian strikes. Last night, the warriors of our Defense Forces hit targets across different regions of Russia that are fueling this war.
— Volodymyr Zelenskyy / Володимир Зеленський (@ZelenskyyUa) July 25, 2026
Once again, a plant in Kirov was struck – the one supplying components for the… pic.twitter.com/D0Z6bFRiww
«Երեկ երեկոյան մեր Պաշտպանության ուժերի մարտիկները հարվածներ են հասցրել Ռուսաստանի տարբեր շրջաններում գտնվող թիրախներին, որոնք բորբոքում են այս պատերազմը։ Կրկին հարված է հասցվել Կիրովի գործարանին՝ այն գործարանին, որը մատակարարում է բաղադրիչներ այն զենքի համար, որն օգտագործում է Ռուսաստանը մեր ժողովրդի վրա հարձակվելու համար: Դա գտնվում է Ուկրաինայի սահմանից մոտ 1200 կիլոմետր հեռավորության վրա»,-գրել է Զելենսկին:
Նա նաև հավելել է, որ ուկրաինական զինուժի կողմից հարվածներ են հասցվել նաև Տյումենի նավթավերամշակման գործարանին, Եկատերինբուրգի լոգիստիկ կենտրոնին և Դոնի Ռոստովի վառելիքի և քսանյութերի պահեստին:
«Մենք նաև շատ ուժեղ արդյունքների ենք հասել Կասպից ծովում երկարաժամկետ հարվածներով, այդ թվում՝ Իրանի հետ կապված ռազմական բեռնափոխադրումների համար օգտագործվող նավերի, ինչպես նաև ռազմանավերի ուղղությամբ»,-շեշտել է Ուկրաինայի նախագահը։
