Լևանդովսկին որոշել է՝ որտեղ է ցանկանում ավարտել կարիերան

Armsport.am-ը գրում է․

«Բարսելոնայի» հարձակվող Ռոբերտ Լևանդովսկին ցանկանում է մնալ կատալոնական ակումբում։

Ինչպես հայտնում է Sport.es-ը, ֆուտբոլիստին դուր է գալիս թիմն ու կյանքը Կատալոնիայում։ Նա արդեն համաձայնել է ակտիվացնել պայմանագրի երկարաձգման կետը ևս մեկ մրցաշրջանով։

Այնուամենայնիվ, լեհ ֆուտբոլիստը ցանկանում է նաև նոր պայմանագիր կնքել՝ մինչև 2027 թվականը։ Հարձակվողը մտադիր է կատալոնացիների կազմում խաղալ մինչև 38 տարեկան, որից հետո կավարտի կարիերան։

Այս մրցաշրջանում լեհ ֆուտբոլիստը բոլոր մրցաշարերում մասնակցել է 17 հանդիպման, որոնցում դարձել է 19 գոլի և երկու գոլային փոխանցման հեղինակ։