Ման Սիթիի խաղացողը բջջային հեռախոս գողանալու համար ձերբակալվել է

Armsport.am-ը գրում է.

«Մանչեսթեր Սիթիի» պորտուգալացի կիսապաշտպան Մաթեուս Նունյեսը ձերբակալել են Մադրիդի գիշերային ակումբներից մեկում, բջջային հեռախոս գողանալու համար հայտնում է El Mundo-ն։

Միջադեպը տեղի է ունեցել ազգային հավաքականների վերջին դադարի ժամանակ՝ սեպտեմբերի 8-ին։ Ոստիկանները գիշերային ակումբ են եկել 58-ամյա տղամարդու ահազանգից հետո։ Նա պնդել է, որ Նունսեսը գողացել է իր բջջային հեռախոսը։

«Մանչեսթեր Սիթիի» խաղացողի մոտ իրականում հայտնաբերվել է այդ տղամարդու սմարթֆոնը։ Նշվում է, որ 26-ամյա խաղացողը դիմել է այս քայլին, քանի որ տղամարդը փորձել է իրեն նկարել զուգարանում։

«Մանչեսթեր Սիթիի» խաղացողը տեղափոխվել է ոստիկանական բաժանմունք, որտեղ նա ցուցմունք է տվել, ինչից հետո գրավի դիմաց ազատ է արձակվել: