Պուտինը պաշտոնական այցով կմեկնի Մոնղոլիա

Մոնղոլիայի նախագահ Ուխնագիյն Խուրելսուխայի հրավերով սեպտեմբերի 3-ին ՌԴ նախագահ Վլադիմիր Պուտինը պաշտոնական այցով կմեկնի Մոնղոլիա՝ մասնակցելու սովետական և մոնղոլական զինված ուժերի՝ ճապոնացի միլիտարիստների դեմ համատեղ հաղթանակի 85-ամյակին նվիրված հանդիսավոր միջոցառումներին, հայտնում է Կրեմլի մամուլի ծառայությունը։

Ըստ աղբյուրի՝ բանակցությունների ընթացքում պետությունների ղեկավարները կքննարկեն համապարփակ ռազմավարական գործընկերության ռուս-մոնղոլական հարաբերությունների հետագա զարգացման հեռանկարները և մտքեր կփոխանակեն արդի միջազգային և տարածաշրջանային խնդիրների շուրջ։

Նախատեսվում է մի շարք երկկողմ փաստաթղթերի ստորագրում։ Նախատեսվում են նաև զրույցներ Վլադիմիր Պուտինի և Մոնղոլիայի Պետական Մեծ Խուրալի (Խորհրդարանի) նախագահի և Մոնղոլիայի վարչապետի միջև։

Հիշեցնենք, որ Մոնղոլիան 2000 թվականին ստորագրել է Հռոմի ստատուտը, վավերացրել՝ 2002 թվականին։ Սա կլինի Պուտինի առաջին այցը երկիր, որն ստորագրել է ստատուտը։ 2023 թվականի մարտին Միջազգային քրեական դատարանը Վլադիմիր Պուտինին ձերբակալելու օրդեր էր տվել։