Իսլամական հեղափոխության պահապանների կորպուսի (ԻՀՊԿ, ԶՈւ էլիտար զորամասեր) «Ալ-Քուդս» հատուկ նշանակության ուժերի հետախուզական հարցերի գծով փոխհրամանատարը Իրանի խորհրդարանի ազգային անվտանգության եւ արտաքին քաղաքականության հանձնաժողովի փակ նիստում հերքել է տեղեկությունը իրանական հատուկ ծառայությունների աշխատակիցների հավաքագրման մասին՝ Թեհրանում պաղեստինյան ՀԱՄԱՍ շարժման քաղբյուրոյի ղեկավար Իսմայիլ Հանիայի սպանության կազմակերպման համար։ Այս մասին տեղեկացրել է խորհրդարանական հանձնաժողովի պաշտոնական ներկայացուցիչ Էբրահիմ Ռեզաին, որը ներկայացրել է հերթական հաշվետվությունը Հանիայի մահվան հետաքննության մասին։
«Ալ-Քուդսի» ուժերի հրամանատարի տեղակալն ընդգծել է, որ նահատակ Հանիայի սպանությունը [գործակալների] ներդրման հետեւանք չէ, եւ այս միջադեպում ներդրման հարցը չի քննարկվում»,- Ռեզաիի խոսքերը մեջբերել է IRNA գործակալությունը։
Օգոստոսի 3-ին The Daily Telegraph թերթը, հղում կատարելով աղբյուրներին, տեղեկացրել է, որ Իսրայելի «Մոսադ» հետախուզական ծառայությունը վարձել է Իրանի անվտանգության մարմինների աշխատակիցների պայթուցիկներ տեղադրելու համար Թեհրանի հյուրատանը, որտեղ հանգրվանել էր ՀԱՄԱՍ-ի քաղբյուրոյի ղեկավարը։ The New York Times թերթը եւս տեղեկացրել է, որ Հանիան կարող էր զոհվել ռումբի պայթյունից, որը դրվել էր նրա նստավայրում երկու ամիս առաջ։
