Aravot.am-ը գրում է․
2020թ. նոյեմբերի 9-ի եռակողմ հայտարարության ընդունումից հետո Հին Թաղեր-Խծաբերդ հատվածում գերեվարված 62 շիրակցիների հարազատներն այս պահին կառավարության շենքի մոտ են հավաքվել:
Նրանք տեսակցություն են պահանջում Նիկոլ Փաշինյանի հետ: Կառավարության աշխատակազմից, սակայն ցուցարարներին փոխանցել են, որ՝ «Նիկոլ Փաշինյանը մինչեւ ապրիլի 9-ը «մեկուսացած» է՝ բազմաթիվ հանդիպումների պատճառով» եւ գերեվարվածների ծնողներին ընդունել չի կարող:
Ցուցարարների պահանջը մեկն է՝ որոշակի տեղեկություններ ստանալ իրենց հարազատների ճակատագրի մասին:
Գերեվարվածների հարազատները Aravot.am-ի հետ զրույցում ասացին, որ պատրաստվում են գիշերն անցկացնել կառավարության շենքի մոտ. «Մենք գնալու տեղ չունենք»:
Գերեվարվածների հարազատների մի մասն էլ Շիրակի մարզից դեպի Երեւանի ճանապարհին են, նրանք էլ կմիանան ցուցարարներին:
