Aysor.am-ը գրում է․
Այս իշխանությունը պետք է հեռանա, լրագրողների հետ զրույցում ասաց ՀՀ արդարադատության նախկին նախարար Դավիթ Հարությունյանը։
«Որովհետև մեզ շարունակում են տանել դեպի նոր պարտություններ», - ասաց նա։
Հարությունյանը նշեց, որ իրավիճակն անընդհատ փոխվում է։
«Երբ խոսք էր գնում, որ եթե այս իշխանությունը շարունակի մնալ իր տեղում, ապա մենք կունենանք նոր կորուստներ, շատերին թվում էր, թե մենք խոսում ենք, որ «չէ, եկեք սկսկենք հենց հիմա պատերազմել», խոսքը դրա մասին չէր, խոսքը նրա մասին էր, որ մենք ունեցանք նոր զոհեր, նոր գերիներ, վիթխարի տարածքային կորուստներ ու դա դեռ շարունակվելու է», - ասաց նախկին նախարարը։
Նրա խոսքով՝ վարչապետի ու իր թիմի իրավական գիտելիքները գտնվում են այն աստիճան ցածր մակարդակի վրա, որ անգամ անհարմար է երբեմն մեկնաբանել։
«Դրա վառ օրինակն այն է՝ երբ տարիներ շարունակ Հայաստանը ապահովվել է Արցախի անկախությունը, բայց, չգիտես ինչու, եռակողմ հայտարարության մեջ Հայաստանը ստանձնեց իր վրա մի պարտականություն՝ ազատելու, ենթադրենք, Քարվաճառը և այլն», - ասաց նա։
Ամբողջական հոդվածը կարող եք կարդալ այստեղ։
