Ֆրանսիացի հրուշակագործ Պիեր Էրմեի հրաշք թխվածքաբլիթները

Ֆրանսիացի հանրահայտ հուշակագործ Պիեր Էրմեի հրաշալի թխվածքաբլիթները անտարբեր չեն թողնի ոչ ոքի։

Անհրաժեշտ բաղադրիչներն են

• Փափկած կարագ – 250 գ
• Շաքարի փոշի – 100 գ
• Աղ – ¼ թ/գ
• Վանիլին – 1 գ
• Ալյուր – 330 գ
• Ձու – 1 հատ

Պատրաստման եղանակը

1. Փափկած կարագը տրորել շաքարի փոշու հետ, ավելացնել աղը, վանիլինը, այնուհետև՝ ալյուրը։ Ըստ ցանկության կարող եք նաև լիմոնի քերուկ և մի քիչ մշկընկույզի փոշի ավելացնել։

2. Արագ խմոր հունցեք՝ դրան գնդի ձև տալով։ Խմորը 3 մասի բաժանեք, ամեն մի մասը գլանաձև գրտնակեք՝ 2-3 սմ տրամագծով, փաթաթեք սննդային թաղանթով և 10-15 րոպեով դրեք սառցախցիկը։

3. Գլանակներին ձվի դեղնուց քսեք, թավալեք շաքարավազի մեջ, կտրեք 1,5-2 սմ լայնքով կտորների, շարեք յուղաթղթի վրա և թխեք 180-190 աստիճանի տակ 20-25 րոպե, մինչև թեթև կարմրեն։