Թուրքիայի ռազմական ներկայությունը Սիրիայում բացատրվում է նրանով, որ Սիրիայի կառավարությունն ի վիճակի չէ ինքնուրույն հակազդել ահաբեկիչներին: Այս մասին Թուրքիայի նախագահ Ռեջեփ Թայիփ Էրդողանը հայտարարել է Ստամբուլում կայացած մամուլի ասուլիսի ժամանակ, փոխանցում է ՏԱՍՍ-ը:
Նա նաև քննադատել է արևմտյան երկրներին Սիրիայում «Խաղաղության աղբյուր» գործողության մեկնարկից հետո Անկարայի դեմ ուղղված սպառնալիքների համար: «Ոչ ոք չի կարող սպառնալիքների միջոցով ստիպել Թուրքիային նահանջել»,- շեշտել է Էրդողանը:
Թուրքիայի առաջնորդի խոսքերով, Անկարայի և քրդական խմբավորումների ներկայացուցիչների միջև բանակցություններն անհնար են:
«Դուք երբևէ տեսե՞լ եք, որ բանակցությունների նույն սեղանի շուրջ նստեն ահաբեկիչների հետ», հավելել է նա:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
