Իրանի հետ պատերազմն «աղետ» կդառնա, ասել է Պենտագոնի ղեկավարի թեկնածու Մարկ Էսփերը, հաղորդում է Washington Examiner-ը:
«Մենք չենք ցանկանում պատերազմել Իրանի հետ: Մենք պետք է վերադառնանք դիվանագիտությանը»,- ասել է Էսփերը:
Հարցին, թե ինչպե՞ս կարելի է խուսափել զինված հակամարտությանը հանգեցնող լարվածությունից, Էսփերն ասել է, որ կշարունակի Պարսից ծոցի տարածաշրջանում ԱՄՆ պարեկության ուժգնացման ծրագրերը: Նա հայտնել է, որ շուտով կտեղեկացնի «Սենթինել օպերացիայի» մասին, որը ներառում է Հորմուզի նեղուցում, Օմանի և Պարսից ծոցերում «պասիվ պարեկությունները»:
«Միևնույն ժամանակ, ամենաբարձր մակարդակով մենք հայտարարել ենք Իրանի հետ առանց որևէ նախապայմանի երկխոսության պատրաստակամության մասին»,- հավելել է Էսփերը:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
