Aysor.am-ը գրում է․
ՀՀ տրանսպորտի, կապի և տեղեկատվական տեխնոլոգիաների նախարար Հակոբ Արշակյանն ընդունել է Հայաստանում Իտալիայի արտակարգ և լիազոր դեսպան Վինչենցո դել Մոնակոյին։
Ողջունելով դեսպանին՝ նախարար Հակոբ Արշակյանն անդրադարձել է հատկապես ճանապարհաշինության ոլորտում երկու երկրների միջև արդեն ձևավորված արդյունավետ համագործակցությանը, ընդգծել այն առաջիկայում ավելի խորացնելու, ինչպես նաև բարձր տեխնոլոգիաների ոլորտում գործակցություն հաստատելու և ընդլայնելու ցանկությունը։
Դեսպան Վինչենցո դել Մոնակոն, շնորհակալություն հայտնելով ընդունելության համար, շնորհավորել է ՀՀ նոր կառավարությանը, նշել, որ Հայաստանի և Իտալիայի միջև շատ դրական հարաբերություններ են հաստատված ոչ միայն տրանսպորտի և ճանապարհաշինության ոլորտներում, այլև տնտեսության տարբեր ճյուղերում։ Նա ընդգծել է, որ կան բոլոր հնարավորությունները երկու բարեկամ պետությունների միջև գործակցությունն առաջիկայում էլ ավելի խորացնելու, համագործակցության շրջանակներն առավել ընդլայնելու համար։
Հակոբ Արշակյանը, ներկայացնելով հայկական ինժեներական կազմակերպությունների ներուժը, նախանշել է մի շարք ուղղություններ, որոնցում իրատեսական են իտալական ընկերությունների հետ հետագա գործակցության հնարավորությունները արհեստական բանականության, ռոբոտաշինության, առանց վարորդի թեստավորման, թվայնացման և մի շարք այլ ծրագրերում։
Ամբողջական հոդվածը կարող եք կարդալ այստեղ
