Օրերս Բուխարեստում Վրաստանի, Ադրբեջանի, Թուրքմենստանի և Ռումինիայի արտգործնախարարները քննարկել են Կասպից և Սև ծովերի միջև բեռնափոխադրումների ուղեգիծ անցկացնելու հարցը։ Կողմերը հուշագիր են ստորագրել, որով հաստատվում է վերջիններիս պատրաստակամությունը՝ սեղմ ժամկետներում կյանքի կոչել այդ նախագիծը։ Առաջիկայում նախատեսվում է ձևավորել փորձագիտական աշխատանքային խումբ ընթացիկ տեխնիկական հարցերի լուծման համար։

Այդ ամենի համատեքստում մեծանում է Հայաստանի` որպես այլընտրանքային տարանցիկ երկիր ներկայանալու հարցի ակտուալությունը։ Հայկական կողմը կարող է տնտեսական իրատեսական հնարավորություններ ստանալ ԵԱՏՄ-Իրան ազատ առևտրի, ԵԱՏՄ-Չինաստան առևտրատնտեսական համաձայնագրերից, ինչպես նաև եվրոպական ուղղությամբ։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել