Տեսուչ Նարակոթ, Թոմի և Թամփենս Բերեսֆորդներ, Փարքեր Թայն, Գնդապետ Ռեյս, Էրքյուլ Պուարո և Տիկին Մարփլ․ սրանք այն բոլոր հերոսներն են, ովքեր ճանաչված են դարձրել Ագաթա Քրիստիին։ Այս հնարամիտ խուզարկուներն ամբողջ աշխարհով մեկ տեղ են գտել միլիարդավոր գրապահարաններում։
- Կա ասացվածք, որ մահացածի ետևից խոսում են կա՛մ լավը, կամ էլ ոչինչ։ Իմ կարծիքով՝ դա հիմարություն է։ Ճշմարտությունը միշտ էլ ճշմարտություն կմնա։ Պետք է զերծ մնալ կենդանի մարդկանց մասին խոսելիս։ Ի տարբերություն մահացածների՝ նրանք հնարավոր է՝ վիրավորվեն։
- Երջանիկ մարդիկ հաջողության չեն հասնում, նրանք այնքան համերաշխ են իրենց հետ, որ ոչ մի ուրիշ բան նրանց չի հետաքրքրում։
- Երբեք մի վերադարձեք այնտեղ, որտեղ երջանիկ եք եղել։ Քանի դեռ չեք վերադարձել, ձեր հիշողության մեջ ամեն ինչ կենդանի է մնում։ Եթե դուք նորից այնտեղ եք հայտնվում, ամեն ինչ քանդվում է։
- Կյանքում ամենամեծ երջանկությունը մանկությունն է։
- Երբեք մի արեք այն, ինչը ձեր փոխարեն կարող են անել ուրիշները։
- Խոսակցությունները ստեղծվել են, որպեսզի խանգարեն մտածելուն։
- Բոլոր դժբախտությունների պատճառը գումարն է կամ դրա բացակայությունը։
- Կանայք անգիտակցաբար նկատում են հազարավոր մանրուքներ, անգիտակցաբար համադրում են դրանք և դա անվանում ինտուիցիա։
- Նա, ով արդարանում է, մեղադրում է ինքն իրեն։
- Խելացի մարդն իր ենթադրությունները գաղտնի է պահում։
- Ոչինչ այնքան չի ձանձրացնում, որքան նվիրվածությունը։
- Ձանձրալի է, երբ մարդը միշտ ճիշտ է լինում։
- Տարօրինակ է․ կանայք սիրուց գեղեցկանում են, իսկ տղամարդիկ նմանվում են հիվանդ ոչխարների։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
