Սաուդական և այլ աղբյուրների համաձայն՝ օրերս Հորդանանի մայրաքաղաք Ամմանում Իրանի և Իսրայելի միջև բանակցություններ են տեղի ունեցել, որտեղ քննարկվել են Սիրիայի հարավային շրջաններում տարվող ռազմական գործողությունները։ Բանակցությունների միջնորդ կողմ է եղել Հորդանանը։ Բանակցությունները վարել են Հորդանանում Իրանի դեսպանն ու Իսրայելի արտաքին հետախուզության ծառայության Մոսսադի պետի տեղակալը։
Աղբյուրի համաձայն՝ բանակցությունների արդյունքում իրանական կողմը համաձայնել է չմասնակցել Սիրիայի հարավում` Իսրայելի հետ անմիջական սահմանակցությամբ հատվածներում ռազմական գործողություններին, որի դիմաց իսրայելական կողմը չի միջամտելու այն ռազմական գործողություններին, որոնց մասնակցություն չունեն իրանական կողմն ու Հիզբալլահը։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել