Հարևան Վրաստանում շուտով նոր մայրաքաղաքապետ կընտրեն: Այսօր Վրաստանի վարչապետ Գիորգի Կվիրիկաշվիլին պաշտոնապես ներկայացրել է իշխող կուսակցության քաղաքապետի թեկնածու Կ.Կալաձեին, ով գործող փոխվարչապետն ու էնէրգետիկայի նախարարն է: Վերջինս մեծ շանսեր ունի քաղաքապետ դառնալու: Նրա հիմնական մրցակիցներն են ընդդիմադիր «Րուսթավի 2» հեռուստաընկերության հեռուստամեկնաբան Զաալ Ուդումաշվիլին, ով հանդես է գալիս որպես նախկին նախագահ Սաակաշվիլիի հիմնադրած «Միացյալ ազգային շարժում» կուսակցության թեկնածու և նույն այդ կուսակցությունից առանձնացած՝ մեկ այլ՝ «Եվրոպական Վրաստան» կուսակցության ներկայացուցիչ՝ Էլենե Խոշտարիան :

Ընտրությունները, ամենայն հավանականությամբ, կկայանան հոկտեմբերի 21-ին, հստակ օրը դեռ կորոշվի՝ նախագահի հրամանով:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել