Times.am-ը գրում է.
 Հայոց ցեղասպանության 102-րդ տարելիցի կապակցությամբ Զապորոժիեի մարզային պատգամավորները Գերագույն Ռադայի պատգամավորներին կոչ են արել ապրիլի 24-ը հայտարարել Հայոց ցեղասպանության զոհերի հիշատակի օր:

Ինչպես հաղորդում է «Արմենպրես»-ը` վկայակոչելով analitikaua.net-ը, Զապորոժիեի մարզային խորհուրդը 11-րդ նիստի ընթացքում որոշում է ընդունել կոչով դիմել Գերագույն Ռադայի պատգամավորներին, որպեսզի ապրիլի 24-ը հայտարարվի Հայոց ցեղասպանության զոհերի հիշատակի օր: Որոշման նախագիծն ուսումնասիրման համար ուղարկվել է խմբակցությունների ղեկավարներին:

Զապորոժիեի մարզում Ուկրաինայի հայերի միության նախագահի տեղակալ Ռուդոլֆ Հակոբյանն ընդգծել է, որ որոշման նախագծին կողմ են քվեարկել Զապորոժիեի մարզային խորհրդի մեջ մտնող բոլոր խմբակցությունների ղեկավարները, ինչը խոսում է պատմական արդարությանը հասնելու ձգտման ու ապագայում նման հանցագործությունները կանխելու ձգտման մասին:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել