«Ավտոբուսի գործով» Սամվել Վարդանյանի նկատմամբ կիրառված խափանման միջոց տնային կալանքի ժամկետը երկարացվել է։
Այս մասին ֆեյսբուքյան էջում հայտնել է փաստաբան Ռուբեն Մելիքյանը:
««Ավտոբուսի գործով» Սամվել Վարդանյանի նկատմամբ կիրառված խափանման միջոցի՝ տնային կալանքի ժամկետը դատարանի կողմից երեք ամսով երկարացվեց (նախագահող դատավոր՝ Դավիթ Արղամանյան)։
Դատական ակտի հետ համաձայն չենք, և պատրաստվում ենք այն բողոքարկել»,- գրել է փաստաբանը։
Հիշեցնենք՝ Սամվել Վարդանյանի նկատմամբ քրեական հետապնդում էր սկսվել նրա կողմից ՔՊ-ական պատգամավոր Հակոբ Ասլանյանին իր քաղաքացիական դիրքորոշումը հայտնելու համար։ Դրանից հետո Վարդանյանը բռնության էր ենթարկվել։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել