Անդոնը հայտարարել է, թե երբ խոսում են ներկա և նախկին իշխանությունների մասին, պետք է նկատի առնել, որ այդ երկուսի բաժանարարը կոռուպցիան է. ՔՊ-ին կոռուպցիայի համար մեղադրողները պետք է ցանկ ներկայացնեն, մինչդեռ այդ ցանկը կա, իսկ ա՛յ հակառակը գոյություն ունի: «Էդ ցանկի մեջ ամեն ինչ կա՝ տներ, հաշվի համարներ, ամեն ինչ և կոնկրետ մարդիկ»,-հայտարարել է Անդոնն ու խնդիր չի համարել այն, որ շատերի դեպքում դատարանով մինչև հիմա ոչինչ ապացուցված չէ:

Անդոնը չգիտի՞, որ Հայաստանի նման երկրներում ոչ մի նորմալ մարդ չի կարող իրեն թույլ տալ հայտարարել, թե կոռուպցիա չի լինում: Երբ ՔՊ-ում պնդում են, թե հիմա կոռուպցիա չկա, փաստում են, որ իրենք աննորմալ պատեհապաշտներ են, որ չգիտեն՝ է՛լ ինչ ասեն ու անեն, որ մի քիչ ռեյտինգ ձեռք բերեն: Կոռուպցիա եղել է, լինելու է, բնակաբար, հիմա էլ կա, բայց հարցը ծավալների մեջ է, և ինչ-որ բան հուշում է, որ ՔՊ-ի օրոք այն իսկապես հսկայական է, և հենց այդ հանգամանքը կոծկելու համար է, որ անդոններն իրականությունից կտրված բաներ են հայտարարում՝ կարծելով՝ մարդիկ չեն տեսնոմ՝ ինչ է կատարվում օրը ցերեկով:

Իսկ կոնկրետ ինչքան է ՔՊ-ն «տակով անում», պարզ կդառնա իշխանափոխությունից հետո միայն, եթե, իհարկե, դա տեղի ունենա. այնքան են թալանել երկիրն ու ծծել, որ ստիպված են լինելու աթոռն ատամներով պահել. ցուցակում բոլորն են՝ Նիկոլից՝ ՔՊ-ական մանկլավիկներ:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել