Ի թիվս այլ ՔՊ-ականների Կոնջորյան Հայկոն է անդրադարձել Սոլովյովի հայտնի հայտարարությանը՝ պատմելով Նիկոլի՝ վերջին շրջանում ունեցած «ձեռքբերումների» մասին: Ըստ Հայկոյի՝ թեպետ Սոլովյովը սպառնում է ՀՀ ինքնիշխանությանը, սակայն վերջին տարիներին իրենք էապես ամապնդել են այն. նախորդ տարի Հայաստանն ու ադրբեջանը Վաշինգտոնում ստորագրեցին խաղաղության հռչակագիրը և նախաստորագրեցին խաղաղության համաձայնագիրը, Հայաստան–Ադրբեջան սահմանին կրակոցից զինվոր չի զոհվում, ինչը «մոնումենտալ փոփոխություն» է, այդպիսին է նաև այն, որ Ադրբեջանի տարածքով Հայաստան է ներմուծվել հացահատիկ, դիզվառելիք, շուտով նոր խմբաքանակներ են գալու, Հայաստանը ԱՄՆ հետ աշխատում է TRIPP-ի իրագործման վրա: «Մենք պիտի տասնապատկենք մեր ջանքերը՝ խաղաղության ամրապնդման, սահամանների ապաշրջափակման, ճանապարհներ կառուցելու, առևտուր անելու, հարևանների հետ խաղաղ համակեցության ուղղությամբ: Սա է ինքնիշխանության ամենակարևոր երաշխիքը, և սա է լինելու մեր պատասխանը»,-մասնավորապես՝ հայտարարել է Կոնջորյան Հայկը:

Հայկոն կատարելապես խեղաթյուրել է իրականությունը. նրա կողմից թվակված բոլոր իրադարձությունները ոչ թե ամրապնդում, այլ թուկացնում են ՀՀ ինքնիշխանությունը՝ այն դնելով թուրքերից կախվածության մեջ. սահմանին ադրբեջանցիները զինվոր չեն սպանում, քանի որ Նիկոլը բավարարել է Ադրբեջանի բոլոր նախապայմանները՝երկիրը փաստացի մատնելով կապիտուլյացիայի, ինչ վերաբերում է Վաշինգտոնի խաղաղության հռչակագրին և նախաստորագրված համաձայնագրին, ապա նկատենք, որ թեև փաստաթղթերի ստորագրումը ոմանց կողմից կարող է ընկալվել որպես առաջընթաց, իրականում, սակայն, դրանք դեռևս չունեն իրավական պարտադիր ուժ մի դեպքում, երբ Բաքուն բազմիցս է ապացուցել, որ պայմանագրաունակ կողմ չի հանդիսանում:Մյուս կողմից՝ Ադրբեջանի տարածքով հացահատիկ և դիզվառելիք ներմուծելու նշանակությունը Հայկոն մանիպուլացրել է քարոզչական նպատակով. Հայաստանը Ադրբեջանից ասիմետրիկ կախվածության մեջ ընկնելու ճանապարհին է, ինչը զրոյացնում է ՀՀ իքնիշխանությունը: TRIPP-ի մասով էլ նկատենք, որ նույն Սոլովյովի հայտաարորթունների հիմնական պատճառներից մեկը հենց այդ նախագիծն է. TRIPP-ը Հայաստանի համար աշխարհաքաղաքական ու ռազմաքաղաքական առումով բավական ռիսկային պրոյեկտ է՝ հաշվի առնելով թե՛ ՌԴ-ի, թե Իրանի շահերը. Սյունիքը ՆԱՏՕ-ի ազդեցության գոտի դարնձելու փաստը չի կարող ոգևորել ո՛չ ռուսներին, ո՛չ էլ Թեհրանին՝ մեզ համար դրանից բխող բոլոր հետևանքներով:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել