Նիկոլը հերթական ուղերձն է հղել ու տեղեկացրել, որ հունվարի 1-ից զինծառայությունը դառնում է 1,5 տարի: «Վստահաբար տեղյակ եք, որ պաշտպանության նախարարը խորհրդարանական գործընկերների հետ քննարկումների արդյունքում օրենսդրական նախաձեռնություն էր դրել շրջանառության մեջ, որով առաջարկվում էր Հայաստանում ժամկետային զինվորական ծառայության ժամկետը 2 տարվա փոխարեն սահմանել 1,5 տարի։ Ի սկզբանե նախատեսված էր, որ այս կարգավորումն ուժի մեջ մտնի 2026թ.-ի ամառային զորակոչից, բայց այսօր քննարկում եմ ունեցել պաշտպանության նախարարի հետ, նախորդող շրջանում՝ խորհրդարանական գործընկերների հետ, և որոշել ենք, որ օրենքն ավելի շուտ ուժի մեջ մտնի՝ 2026թ.-ի հունվարի 1-ից, այսինքն՝ 2026թ.- հունվարի 1-ից՝ ձմեռային զորակոչից Հայաստանում ժամկետային զինծառայությունը 2 տարվա փոխարեն կլինի 1,5 տարի»,-հայտարարել է Նիկոլը:

Ծառայությունը 1,5 տարի դարձնելու հետ կապված կան բազմաթիվ մասնագիտական վերլուծություններ, թե ինչի կարող է այդ նիկոլական նոու-հաուն հանգեցնել՝ բանակայինների թվի կրճատումից մինչև զինվորականության մասնագիտական որակների անկում մի դեպքում,երբ հայտնի է, թե ինչպես է զինվում Ադրբեջանը, և թե ինչ ծրագրեր են մշակել թուրքերը:

Հարցը, սակայն, տվյալ դեպքում այլ է՝ ինչո՞ւ է Նիկոլը որոշել գործն այսպես ասած առաջ գցել, ով է նրան ստիպել, թե՞ բացառապես նրա մտքի թռիչքի արդյունքի հետ գործ ունենք:

Այն, որ բանակի ոչնչացման գաղտնի ծրագիր է իրականացվում, քչերն են կասկածում. Իլհամը դրել է զինաթափման հարց, Նիկոլը դա կատարում է: Ինչ վերաբերում է գործը հենց ձմեռվա կեսին գլուխ բերելու ջանքերին, ապա դրանք կարող են պայմանավորված լինել նախևառաջ պոպուլիստական մղումներով. Նիկոլը հանրային որոշ շերտերի ուզում է ավելի շուտ ուրախացնել, որպեսզի 2026-ի ընտրություններում ավելի շատ ձայն ստանալու հնարավորություն ունենա. կարծում է, թե հանրությունն իր որոշումը կընդունի որպես ամանորյա նվեր, ուստի որպես շնորհակալություն էլ ՔՊ-ին ձայն կտա:

Նիկոլը չի հասկաում, որ եթե նույնիսկ ծառայությունն առհասաակ վերացնի, վերընտրվելու շանսեր շատ քիչ ունի, եթե, իհարկե,գործը կեղծիքների ու բռնաճնշումների ուժով գլուխ չբերի:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել