ՔՊ-ական Ղազարյան Ալխասը տարածաշրջանում ու մեր երկրի շուրջ ընթացող տագնապալի զարգացումները սթափորեն վերլուծողներին մեղադել է հանրության շրջանում տագնապ տարածելու ու պատերազմը խրախուսելու համար: «… Այո՛, մենք ապրում ենք մի տարածաշրջանում, որտեղ կան լուրջ անվտանգային ռիսկեր։ Բայց ինչպես հասկանալ այն ուժերին, որոնք արդեն մի քանի օր է՝ պատերազմի մասին քարոզչությամբ ահաբեկում են Հայաստանի քաղաքացիներին»,-գրել է Ալխասն ու մեղադրել, թե այդ ամենն արվում է՝ ստվերելու Հայաստանի տնտեսական ձեռքբերումներն ու զարգացումը:

Ի՞նչ տնտեսական զարգացման մասին է խոսում Ալխասը, հայտնի է միայն թերևս ՔՊ-ականներին. այս երկրի տնտեսական առաջընթացը, եթե նման բան առհասարակ կա, զգում են միայն կառավարող շրջանակները: Եթե տնտեսական առջընթաց կա, բա ինչո՞ւ ասենք թոշակների բաձրացում այդպես էլ տարիներ ի վեր տեղի չի ունենում, թե՞ նպաստներն են բարձրացել և կամ արցախցիներին տրվող օգնությունն է ավելացել…

Ալխասներին ձեռնտու չէ, որ ժողովուրդն իմանա իր գլխի գալիքը, քանի որ խնդիրը մարդկանց զգոնությունը թմրեցնելն է, որ թուրքի գործը հեշտանա: Բայց եթե նույնիսկ պատերազմ էլ չլինի, սակայն Հայաստանի խաղաղ թրքացման պրոցեսն արագանա, տարբերություն կա՞:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել