Մինչ Ադրբեջանը հաջողությամբ յուրացնում կամ ոչնչացնում է հայկական հոգևոր-մշակութային ժառանգությունը, դրան զուգահեռ նաև առաջ է տարվում «Արևմտյան Ադրբեջան» կոնցեպտը. դրա ռեալիզացման ուղղությամբ գործնական քայլեր են արվում: Ադրբեջանցիները հայտարարել են, թե վերականգնվել է Երևանի մահմեդականների հոգևոր առաջնորդի գրասենյակը, իսկ այդ մասին որոշումը հրապարակել է շիա ադրբեջանցիների հոգևոր առաջնորդը: Ավելին՝ նախաձեռնությունը քննարկվելու է նաև Ադրբեջանի օրենսդիր մարմնում: Ոչ պակաս ուշագրավ է այն, թե ինչպես է Փաշազադեն արտահայտվել Էջմիածնի մասին: Նա այն հռչակել է՝ պատմական ադրբեջանական տարածք և հայտարարել, որ Էջմիածնի և Կիլիկիո աթոռների միակ նպատակը ազգերի ժառանգությունը սեփականացնելն է, թշնամանք, ռևանշիզմ և առճակատում քարոզելը։

Հուսանք՝ թեկուզ ուշացումով, սակայն պատշաճ արձագանք կստացվի որևէ մակարդակով այս ամենին Հայաստանից, քանի որ հակառակ պարագայում կստացվի, որ հայկական պետությունը համակարծիք է փաշազադեների կարգի տխմարների հետ:

Նիկոլը պրոբլեմ չունի. նա պատրաստ է Հայաստանը ադրբեջանցիների հոգևոր հայրենիք հռչակել ու նույնիսկ հայ հասարակությանը կրոնափոխ անել միայն թե կարողանա պահպանել իշխանությունը: Բա մյուսնե՞րը…

Եթե ոմանց այս ամենը թվում է լոկ ադրբեջանական ցնդաբանություն, ապա թող նայեն Հակոբյան Աննայի կրթարշավի բովանդակությանը, ուսունասիրեն՝ ինչ է սովորեցնում ու ինչի մասին:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել