Հռոմում նախագահ Վահագն Խաչատուրյանի հետ քննարկել եմ Հայաստան կատարելիք այցս. այս մասին X-ում գրել է ԵՄ արտաքին գործերի և անվտանգության քաղաքականության հարցերով բարձր ներկայացուցիչ, Եվրահանձնաժողովի փոխնախագահ Կայա Կալլասը:

«Ես վերահաստատեցի ԵՄ-ի՝ կապերը խորացնելու ամուր հանձնառությունը և մտքեր փոխանակեցի Հարավային Կովկասում տիրող իրավիճակի, ներառյալ Հայաստան-Ադրբեջան հարաբերությունների կարգավորմանն ուղղված ջանքերի և տարածաշրջանում խաղաղության վերաբերյալ», - գրել է նա:

Հիշեցնենք, որ օրերս Կալլասն այցով Ադրբեջանում էր:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել