Թուրքիայի հատուկ ներկայացուցիչ Սերդար Քըլըչի երեք առանցքային ուղերձները

1․ «Երկխոսության առաջընթաց կա» – սա առավելապես տեխնիկական արձանագրում է, ոչ թե բովանդակային առաջընթաց։ Առաջընթացն ավելի շատ արտացոլում է Հայաստանի հետևողական զիջողականությունը, քան որևէ փոխշահավետ կամ հավասարակշռված շարժ։

2․ «Հայ ժողովուրդը շահելու է» – այս ձևակերպման տակ թաքնված է մեկ պարզ ուղերձ՝ Հայաստանը կարող է «շահել» միայն այն դեպքում, եթե դառնա Թուրքիային ու Ադրբեջանին հարմար պետություն․ առանց պատմական հիշողության, առանց ինքնության, առանց արժանապատիվ դիմադրության։

3․ «Հայաստանը կկատարի Սահմանադրության փոփոխության անհրաժեշտ քայլեր» – ուղիղ քաղաքական պայման է, որը հարցականի տակ է դնում Հայաստանի ինքնության հիմքերը։ Եթե պետությունը պարտավորվում է վերանայել սեփական Սահմանադրությունը՝ արտաքին ճնշման կամ ակնկալիքի ներքո, սա արդեն զուտ իրավական հարթություն չէ, այլ՝ սուվերենության հարց։

Եզրակացություն – Քըլըչի այս հայտարարությունները մատնանշում են մի գործընթաց, որը միակողմանի հարմարեցում է, ոչ թե փոխադարձ կարգավորում։ Եվ եթե քաղաքական հակակշիռ չկա, «առաջընթացը» վերածվում է փոխակերպման՝ Հայաստանի քաղաքական բովանդակության հաշվին։