Հաքան Ֆիդանի «սրտի տիրուհի» ՔՊ-ական Կարապետյան Մարիշը, հայտարարելով, որ նպատակ ունեն՝ ստեղծելու այնպիսի կարգ, որը շարունակական կլինի նաև իրենցից հետո, միաժամանակ հիացմունքով ասել է, որ այդ հարցում իրենց արձանագրած հաջողությունը փաստող վկայություններից մեկն էլ այն է, որ ընդդիմությունը սկսել է խոսել այն մասին, որ ընտրություններով է հնարավոր իշխանափոխություն իրականացնելմինչդեռ նախկինում խոսք էր գնում փողոցային պայքարի կամ հեղաշրջման անհրաժեշտությնա մասին:

Մարիշը փաստացի հղում է կատարել ընդդիմության շատ կոնկրետ թևին ու ուրախությամբ արձանագրել այն փաստը, որ վերջինս մտադիր է ընտրությունների միջոցով ձեռնոց նետել Նիկոլին: Մինչդեռ հայտնի է, որ ընդդիմության մյուս թևը չի դադարում նախազգուշացնել, որ Նիկոլի հետ ընտրություների գնալը լի է լրջագույն վտանգներով՝ 2021-ի դառը փորձը մատնացույց անելով: Տվյալ դեպքում վախեցնողը Մարիշի հիացմունքն է. նա կոնկրետ բա՞ն գիտի, արդեն տեղյա՞կ է, որ ընտրություններով երկրում իշխանափոխության հասնել չի ստացվի անգամ 2026-ին, թե՞ կարծում է, որ իրենք այնպես են սերտել վարչական ռեսուրսի չարաշահման ու ընտրակեղծարարության մեխանիզմները, որ ընտրությունների միջոցով ընդդիմությունը չի կարողանալու իշխանափոխության հասնել ցանկացած դեպքում:

Ընտրություններում Նիկոլին «կրելու» մասին խոսել է Ռոբերտ Քոչարյանը, որի քարոզիչները չեն դադարում թիրախավորել ընդդիմության այն թևին, որը, լինելով, իրատես, պնդում է, որ ընտրություններով Նիկոլին հեռացնելն անիրատեսական նպատակ է:

Արդյոք ընտրությունների գնալու հարցը ՔՊ-ի հետ համաձայնեցված չէ՞ արդեն, Մարիշի երջանկությունն ու գոհունակությունը չափազանց չարագույժ է թվում…
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել