Սարիկի ամփոփիչ հանրահավաքին ներկա Շիրակի մարզպետ Առուշանյան Դավոն, մեկնաբանելով փաստերն ու տեղեկությունները, որ իշխանությոնները տարբեր համայնքներից մարդկանց են ստիպողաբար բերում, որ Սարիկի հանրահավաքը մարդաշատ լինի, հայտարարել է, թե համայնքապետերը, դպրոցի տնօրեններն ու պոլիկլինիաների ղեկավարները ՔՊ-ականներ են, իսկ հիմա, ի տարբերություն նախկինի, վարչական ռեսուրսի չարաշահման մասին խոսք չի կարող լինել:

Իսկ հնարավո՞ր է, որ այդ մարդիկ ու ենթակաները ՔՊ-ական են դարձել ոչ թե իրենց, այլ վերադասի պարտադրանքով, որ պահպանեն իրենց աշխատանքը: Այսօր միայն մի չափանիշ կա՝ պետական համակարգում աշխատանք ունենալու կամ պաշտոնը պահպաելու՝ ՔՊ-ական լինելը կամ դառնալը: Բանը հասել է նրան, որ եթե նույնիսկ այս կամ այն կադրն իր մասնագիտական ունակություններով ոչինչ է, սակայն ՔՊ-ական է, հաջողությամբ կարիերա է անում՝ «կոտրելով կարծրատիպերը»:

Ինչ վերաբերում է ցույցերին մարդ բերելու վերաբերյալ Դավոյի հայտնած մտքերին, ապա դրանք իրականությունից այնքան են կտրված, որքան երկիրը՝ երկնքից. առանց վարչական ռեսուրսի չարաշահման Սարիկի հանրահավաքին մի 300 հոգուց ավել մարդ չէր հավաքվի, և այդ մասին Դավոն էլ շատ լավ գիտի,բայց տեսախցիկների առաջ, բնական է, չի խոստովանի:

Հանրահավաքին մարդ էին բերել, որ վաղն ինչ թիվ էլ նկարեն, բան ասող չլինի: Ո՞րն է ելքը, ելքը քվեախցիկում ճիշտ մարդկանց օգտին քվերակելն ու ապացուցելն է, որ գյումրեցիների հաշվով իշխանությունների հաշվարկները սխալ են դուրս եկել. քաղաքում թասիբը չի մեռել:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել