Հարցին՝ Հայաստանում մարդիկ որքանո՞վ են պատրաստ՝ Նիկոլի վարած քաղաքականության փակուղայնության ֆոնին տեղական մակարդակում փոխելու քաղաքական վեկտորը՝ «Սպուտնիկ»-ին հյուրընկալված Թևանյան Անդոն պնդել է, որ իր գլխավորած ուժը պատրաստ է ոչ միայն նույն Գյումրիում քաղաքական փոփոխություններ բերել՝ իշխանություններին փաստի առաջ կանգնեցնելով, այլև ողջ Հայաստանի մակարդակով Նիկոլի հարցերը լուծել. նախ՝ Գյումրիում են հասնելու իշխանափոխության ապա՝ երկրով մեկ:

Անդոն խոստովանել է, որ Գյումրիի ընտրությոնները հիմնահենքային նշանակություն են ունենալու ողջ երկրի ներքաղաքական կյանքում, բայց արդյոք նրա ինքնավստահությունը հիմք ունի՞ նկատի ունենալով այն, որ նա ռուսներին իշխանափոխություն է խոստանում ոչ միայն Գյումրիում,այլև երկրում. ինքն է, փաստորեն, ընդդիմադիր պայքարի լոկոմոտիվը դառնալու:

Բայց արդյոք Անդոն ունի՞ պոտենցիալ՝ այդպիսին լինելու, թե՞ նա ուղղակի ռուսների մոտ է գլուխ գովացել՝ նրանց հովանավորությունն աղերսելով, որ փող բռնի, քանի հնարավրոթյուն ունի: Անդոյին թերևս հույսեր է ներշնչել տրանսպորտի գների թանկացման դեմ իրականացվող բոյկոտի ծավալը, բայց արդյոք դա կարո՞ղ է որևիցե բանի չափանիշ լինել կամ դառնալ հիմք՝ վեր-վեր թռնելու՝ հաշվի առնելով այն, որ Անդոյի կալիբրը բավական փոքր է՝ պետության մասշտաբով հարցեր լուծելու:

Հայտարարելով, որ Գյումրիում իրականացնելու են իշխանափոխություն՝ Անդոն ինքն իրեն դրել է հարվածի տակ, քանի որ եթե Անդոյի սատարած թեկնածուն չանցնի, ապա Անդոն կխայտառակվի նույնիս այնդեպքում, եթե հաղթողն իշխանական չլինի, ու նրա վրա ռուսներն է՛լ «ստավկա» չեն անի. փոքր խնդիր լուծել չկարողացողը չի կարող մեծ հարց լուծելու հավակնություններ ունենալ:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել