Վանուատուում երկրաշարժը 14 մարդու կյանք է խլել. որոնողափրկարարական աշխատանքները շարունակվում են

Վանուատուում տեղի ունեցած 7,4 մագնիտուդով երկրաշարժից հետո փրկարարները շարունակում են փլատակներում փնտրել ողջ մնացածներին։ Երկրաշարժի զոհերի թիվը հասել է 14-ի։

Զոհերի թվում կա Չինաստանի 2 քաղաքացի։ Ավելի քան 200 մարդ վիրավորվել է։

Որոնողափրկարարական աշխատանքները կենտրոնացել են երկու փլուզված շենքերի տարածքում։ Փլատակներում գտնվող 3 մարդ կապի մեջ է փրկարարների հետ։ Ենթադրվում է, որ փլատակներում էլի մարդիկ կան։

Խաղաղօվկիանոսյան այս պետությունում երկրաշարժը տեղի էր ունեցել դեկտեմբերի 17-ին՝ մեծ ավերածություններ անելով։