Hraparak.am-ը գրում է․
ԱՄՆ նորընտիր նախագահ Դոնալդ Թրամփը խոսել է իր ռուս գործընկեր Վլադիմիր Պուտինի հետ շփումների հեռանկարների մասին, հայտնում է NBC-ն։ «Կարծում եմ՝ մենք կխոսենք»,- պատասխանել է Թրամփը՝ պատասխանելով հարցին։
Թրամփը բազմիցս ասել է, որ Ուկրաինայի դեմ Ռուսաստանի պատերազմը կավարտի նախագահ դառնալուց հետո առաջին 24 ժամվա ընթացքում։ Այս մասին նա գրել է իր սեփական «Truth Social» սոցիալական ցանցի իր էջում 2023 թվականի հունվարին, խոսել է 2023 թվականի մարտին Տեխասում տեղի ունեցած հանրահավաքում և երկու անգամ՝ նույն թվականի մարտին և հուլիսին, Fox News-ին տված հարցազրույցում։
«Ես լավ եմ ճանաչում Զելենսկուն և Պուտինին, նույնիսկ շատ լավ: Երկուսի հետ էլ լավ, շատ լավ հարաբերություններ ունեի։ Ես կասեի Զելենսկուն. «Բավական է: Մենք պետք է գործարք կնքենք»: Ես Պուտինին կասեի. «Եթե դու գործարքի չգնաս, մենք նրան շատ բան կտանք։ Անհրաժեշտության դեպքում մենք Ուկրաինային կտանք ավելին, քան նրանք երբևէ ստացել են»։ Ես դա կկարգավորեմ մեկ օրում: Մեկ օրում»,- պատասխանել է Թրամփը Fox News-ի լրագրող Մարիա Բարտիրոմոյի հարցին, թե ինչպես է նա նախատեսում կատարել իր խոստումը։
