168.am-ը գրում է․
«Ես տեղեկություն չունեմ»,- անդրադառնալով ՔՊ-ական մի շարք պատգամավորների կողմից՝ Պաշտպանության հանձնաժողովի նախագահի պաշտոնից իրեն հեռացնելու հարց բարձրացնելու մասին լուրերին՝ լրագրողների հետ զրույցում ասաց ՔՊ-ական պատգամավոր Անդրանիկ Քոչարյանը։
Հարցին՝ Հրաչյա Հակոբյանը, Արմեն Փամբուխչյանը, Տիգրան Ավինյանը դժգո՞հ են իրենից, հարց է բարձրացվել կուսակցությունում՝ իր վարքը քննարկելու համար, Քոչարյանը պատասխանեց․ «Իսկ Դուք գո՞հ եք։ Եթե բարձրացված է, կարելի է և քննարկել։ Ես այդպիսի տեղեկություն չունեմ »։
Դիտարկմանը, թե նախարարի թեկնածուներից հետո իր հարցը չի քննարկվելու, Քոչարյանը բարկացած արձագանքեց՝ նշելով․ «Ձեր հարցը, ի՞նչ է նշանակում Ձեր հարց։ Լավ կազմակերպված գրոհ էր»։
Հիշեցնենք, որ «Ազատություն» ռ/կ-ն գրել էր, որ Ազգային ժողովի իշխող «Քաղաքացիական պայմանագիր» խմբակցության մի շարք անդամներ վարչապետ Նիկոլ Փաշինյանի մասնակցությամբ երեկ նախատեսված նիստում պատրաստվում էին բարձրացրել Անդրանիկ Քոչարյանին Պաշտպանության հանձնաժողովի նախագահի պաշտոնից հեռացնելու հարցը։
