Արդարադատության նախարարի թեկնածուները շատ են, նրանց մի մասը, որոնց մեջ շատ արժանավոր թեկնածուներ կային, որոնք կարող էին շատ լավ ղեկավարել Արդարադատության նախարարությունը, տարբեր պատճառներով, այդ թվում՝ իրենց ունեցած այսօրվա աշխատանքով և պատասխանատվությամբ պայմանավորված, ցավոք սրտի, հրաժարվեցին դառնալ նախարար:
Այս մասին կառավարության նիստից հետո լրագրողների հետ զրույցում ասաց Էկոնոմիկայի նախարար Գևորգ Պապոյանը:
Հարցին՝ արդյոք նախարար չի նշանակվում կադրային սղության պատճառով, Պապոյանն ասաց. «Սղություն կա՞ կադրային հարցը փիլիսոփայական է. և՛ կա, և չկա: Միշտ կա կադրային սղության խնդիր, բայց նաև կան բազմաթիվ գործընկերներ որոնք թիմից կարող են լինել նախարար, բայց իրենց այսօրվա աշխատանքը, պատասխանատվությունն ավելի լավ է տանեն մինչև 2026 թիվ»:
Պապոյանն ընդգծեց, որ կան մարդիկ և շուտով կլինի նշանակումը:
Ինչ վերաբերում է ՆԳ փոխնախարար Արփինե Սարգսյանի նշանակմանը, Պապոյանն ասաց, որ անուններ չի տա: «Շուտով կլինի նշանակումը, միգուցե ոչ կուսակցական անդամ, բայց քաղաքական թիմից կլինի, թիմը մի քիչ ավելի լայն է»,- ասաց նախարարը:
