Իսրայելական ավիացիան մի շարք հարվածներ է հասցրել Լիբանանի հարավում գտնվող մի քանի բնակավայրի միաժամանակ:
Լիբանանից արձագանքել են, որ սա հավասարազոր է պատերազմ հայտարարելուն։
«Լիբանանում էլեկտրոնային սարքերի պայթյունները ահաբեկչություն և ցեղասպանություն են, որոնք տանում են դեպի պատերազմ հայտարարելուն, հայտարարել է«Հեզբոլլահ» շարժման գլխավոր քարտուղար Հասան Նասրուլլան։
«Հակառակորդը անցել է բոլոր կարմիր գծերը՝ վտանգելով Լիբանանում մեծ թվով խաղաղ բնակիչների կյանքը»,- ասել է նա։
«Անկասկած պատասխան կլինի», - ասել է Նասրուլլան։
«Հեզբոլլահի» գլխավոր քարտուղարը հայտարարել է, որ այս հարձակումը Լիբանանի պատմության մեջ աննախադեպ է և, որ դա պատերազմական վիճակ է։
Հիշեցնենք, որ երեկ Իսրայելի պաշտպանության նախարար Յոավ Գալանտը հայտարարել էր, որ Իսրայելն իր ռազմական ջանքերի «ծանրության կենտրոնը» տեղափոխում է հյուսիս՝ Լիբանանի հետ սահման, և սկսվում է պատերազմի նոր փուլը։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
