![](/static/news/b/2024/08/872110.jpg)
Հայաստանի Պրեմիեր լիգայի ամենաթանկարժեք ֆուտբոլիստը կխաղա «Նոայում»։
«Մեր հերթական նորեկը կամերունցի հենակետային կիսապաշտպան Յան Էտեկին է։ 26-ամյա ֆուտբոլիստը իսպանական «Լեգանեսի» սան է։ «Սևիլյայի» տարբեր տարիքային թիմերում խաղալուց հետո 2018 թվականին համալրել է «Ալմերիայի» կազմը, որտեղ մեկ մրցաշրջան անցկացնելուց հետո տեղափոխվել է «Գրանադա», որի կազմում 3 մրցաշրջան խաղացել է իսպանական Լա լիգայում՝ մասնակցելով 65 խաղի։ Մեր թիմի նորեկը խաղացել է նաև պորտուգալական «Կասա Պիայում», իսկ «Նոա» է տեղափոխվել իսպանական «Ալկորկոնից»։ Կամերունի մինչև 23 տարեկանների հավաքականում Էտեկին անցկացրել է 3, ազգային հավաքականում՝ 2 խաղ»,-ասված է երևանյան թիմի հայտարարությունում։
![Возможно, это изображение 1 человек, играет в футбол, играет в футбол и текст](https://scontent.fevn7-1.fna.fbcdn.net/v/t39.30808-6/454969788_1076525997453319_8117415127074309832_n.jpg?_nc_cat=107&ccb=1-7&_nc_sid=127cfc&_nc_ohc=UkjIRk4Eg9EQ7kNvgEDCfC1&_nc_ht=scontent.fevn7-1.fna&oh=00_AYBYA1P3OF-OiECmhsMz_JM2_8rsxz6hllpyecG13vGa9A&oe=66BC3034)
![Возможно, это изображение 1 человек, играет в футбол, играет в футбол и текст](https://scontent.fevn7-1.fna.fbcdn.net/v/t39.30808-6/454506593_1076526100786642_6840424415490050779_n.jpg?_nc_cat=106&ccb=1-7&_nc_sid=127cfc&_nc_ohc=0t-JsN-V-WUQ7kNvgFOE8X0&_nc_ht=scontent.fevn7-1.fna&oh=00_AYClIomRG_Zm-jrMQyEQtu671L9KZ-m1KAizXQGNt1Zrnw&oe=66BC265D)
Նոային միանալուց հետո 26-ամյա ֆուտբոլիստն ասել է հետևյալը․ «Ես ուրախ և ոգևորված եմ միանալու այս հավակնոտ նախագծին: Ես գալիս եմ քրտնաջան աշխատելու՝ օգնելու «Նոային» հասնելու մեր նպատակներին: Իմ կարիերայում նոր մարտահրավեր է սա»:
Transfermarkt հեղինակավոր պորտալը կամերունցի ֆուտբոլիստի տրանսֆերային արժեքը գնահատում է 800․000 եվրո։
![Возможно, это изображение 1 человек, играет в футбол, играет в футбол и текст](https://scontent.fevn7-1.fna.fbcdn.net/v/t39.30808-6/454700607_1076526087453310_334015085212835435_n.jpg?_nc_cat=102&ccb=1-7&_nc_sid=127cfc&_nc_ohc=9UkYr2V8GxEQ7kNvgERw5rw&_nc_ht=scontent.fevn7-1.fna&oh=00_AYAPZXkZ_cp98bMf7rvkSwBVXrX_Lqg9kSUBm3zvCjhlyg&oe=66BC0B4F)
Հիշեցնենք, որ Կոնֆերենցիաների լիգայի որակավորման 3-րդ փուլի պատասխան խաղում «Նոան» Աթենքում մրցելու է Հունաստանի փոխչեմպիոն ԱԵԿ-ի հետ։ Առաջին խաղում Հայաստանի փոխչեմպիոնը Աբովյանի քաղաքային մարզադաշտում հաղթել էր 3։1 հաշվով։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել