Նիկոլի՝ Ֆրանսիա կատարած վերջին այցը չափազանց մեծ շուքով անցավ: Ստեղծվել էր տպավորություն, թե Մակրոնը համաձայնել է Հայաստանին տալ անվտանգային երաշխիքներ, դառնալ այն իրական այլընտրանքը, որին Հայաստանը կարող է ապավինել ռոսներին «խռիկ տալուց» հետո: Մինչդեռ, փաստորեն, Կոնջորյան Հայկոյի հարցազրույցից պարզվում է, որ այն, ինչ որ կատարվեց Նիկոլի հետ Ֆրանսիայում, խորքում բովանդակազուրկ դեկորացիա էր, քանի որ Միսակ Մանուշյանի հանդեպ ֆրանսիական պետության մեծ սերն ու հարգանքը պետք է արտահայտվեր ոչ թե կամ ոչ միայն նրա վերահուղարկավորմամբ, այլ՝ Մանուշյանի ժողովրդի հանդեպ արտահայտված անկեղծությամբ, նրան թևութիկունք դառնալու իրական ձգտմամբ: Մինչդեռ, փաստորեն, ոչ ոք, բացի Մոսկվայից, Հայաստանին նույնիսկ բացառապես թղթի վրա երաշխիքներ տալու մտադրություն չունի:
Այս դեպքում հարց է ծագում՝ ո՞րն է ռուսներին խրտնեցնելու ու Արևմուտքի գիրկն ընկնելու ՔՊ-ի մոլուցքի տրամաբանական բացատրությունը: Նման բացատրություն չկա: Ավելի ճիշտ՝ կա, և դա հետևյալն է՝ սրանք թուրքական հատուկ ծառայություններից ստացել են հրահանգ՝ ցանկացած գնով Հայաստանը թողնելու լրիվ անպաշտպան: Արևմուտքը որքան էլ զենք տա Հայաստանին, թուրք-ադրբեջանական տոտալ ագրեսիայի դեպքում այդ զենքը կարող է ընդամենը մի քանի օրով հետաձգել Երևանի անկումը, ոչինչ ավելին: Ա՛յ ուրիշ բան, որ նույն Ֆրանսիան Հայաստանին միջուկային զենք տար այնպես, ինչպես ժամանակին տվել էր Իսրայելին: Կանե՞ն: Առը հա, թե կանեն…
Ասել կուզի՝ ցանկացած քանակությամբ զենքի գնումը չի կարող որպես իրական դիվերսիֆիկացիա դիտարկվել, այլ կարող է համարվել ուղղակի զենքի առևտուր՝ այլ երկրներից և ոչինչ ավելին:
Մի բան հստակ է՝ Ռուսաստանի հետ թշնամանքի հետևանքները, եթե այդ թշնամությունը խորանա, չի սահմանափակվելու միայն Լարսի փակմամբ, իսկ նման դեպքում ո՛չ ֆրանսիական, ո՛չ հնդկական, ո՛չ էլ նույնիսկ ամերիկյան զենքերը Հայաստանին չեն օգնելու:
Նյութի աղբյուր՝ https://t.me/yerevantimes9/320
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
