ՀՀ էկոնոմիկայի նախարար Վահան Քերոբյանը Երևանի քաղաքապետ Տիգրան Ավինյանին հեռացրել է «Հայաստանի պետական հետաքրքրությունների ֆոնդի» (ANIF) տնօրենների խորհրդից։ Ավինյանի լիազորությունները վաղաժամկետ դադարեցնելու մասին Քերոբյանը հրաման է ստորագրել։
«Հրամայում եմ վաղաժամկետ դադարեցնել «Հայաստանի պետական հետաքրքրությունների ֆոնդի» խորհրդի անդամներ Տիգրան Ավինյանի, Սոնա Թևանյանի և Անետա Բաբայանի լիազորությունները»,– նշվում է հրամանում։
Մեկ այլ հրամանով էլ չի հաստատվել ԱՆԻՖ-ի տարեկան ֆինանսական հաշվետվությունը։
«Չհաստատել «Հայաստանի պետական հետաքրքրությունների ֆոնդ» ՓԲԸ–ի 2022 թվականի հաշվապահական հաշվեկշիռը և ընկերության ֆինանսական արդյունքների մասին հաշվետվությունը»,– ասված է հրամանում։
Նշվում է նաև, որ հաշվետու ժամանակաշրջանին վերաբերող համախմբված ֆինանսական հաշվետվությունները ճշգրիտ չեն ներկայացնում ընկերության և վերջինիս դուստր ընկերությունների ֆինանսական վիճակը։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
