Սաուդյան Արաբիայի զինված ուժերը և հակաօդային պաշտպանության համակարգերը գտնվում են բարձր պատրաստության վիճակում Անսար Ալլահ շարժման (հութիներ) եմենցի ապստամբների հետ բախումներից հետո: Այս մասին երկուշաբթի հայտնել է Bloomberg-ը՝ հղում անելով իր աղբյուրներին։
Նրանց տվյալներով՝ թագավորության զինված ուժերի բոլոր ստորաբաժանումներին համապատասխան հրաման է տրվել այն բանից հետո, երբ ապստամբները մի քանի շաբաթ առաջ փորձել են հրթիռային հարձակում իրականացնել Սաուդյան Արաբիայի վրա։ Հրթիռը որսացել են ՀՕՊ համակարգերը։ Զինված ուժերի տեղակայման մեկ այլ պատճառ է դարձել Եմենի հետ սահմանին գտնվող հարավային Ջիզան նահանգում ապստամբների հետ բախումների հետևանքով Սաուդյան Արաբիայի չորս զինվորների մահը։
Բախումները սկսվել են այն բանից հետո, երբ հոկտեմբերի 19-ին ապստամբները թեւավոր հրթիռներ և անօդաչու թռչող սարքեր են արձակել Իսրայելի ուղղությամբ, որոնք, ըստ Պենտագոնի, որսացել է Կարմիր ծովում ամերիկյան կործանիչը:
Ըստ Bloomberg-ի՝ Սաուդյան Արաբիայի պաշտպանության նախարար արքայազն Խալեդ բեն Սալման Ալ Սաուդը հոկտեմբերի 30-ին Վաշինգտոնում կհանդիպի Բայդենի վարչակազմի բարձրաստիճան պաշտոնյաների հետ՝ քննարկելու Իսրայելի և ՀԱՄԱՍ-ի միջև պատերազմի ազդեցությունը, ինչպես նաև Եմենում տիրող իրավիճակը:
Սաուդյան Արաբիայի կառավարությունը և Հութիի պաշտոնյաները չեն արձագանքել Bloomberg-ի մեկնաբանության խնդրանքին:
