Մերձավոր Արևելքում կարծես թե նոր արաբաիսրայելական պատերազմ է սկսվում՝ ամենաիսկական պատերազմ. ՀԱՄԱՍ-ն իր մասին հիշեցնել է տվել մասսայական ռմբակոծություներով, իսկ Իսրայելում հայտարարել են պահեստազորի տոտալ հավաք: Թե որքան կտևի այս լարվածությունը, դժվար է ասել, բայց ակնհայտ է, որ դրա երկարաձգումը չի կարող բխել Հայաստանի շահերից՝ հաշվի առնելով այն, որ Իսրայելը կարող է ՀԱՄԱՍ-ի գործողությունների համար Թեհրանին մեղադել ու փորձել ճակատ բացել նրա դեմ Կովկասում. Ադրբեջանին հենց այնպես Արցախը չեն նվիրել:

Եթե պատերազմ սկսվի, այն, անկասկած, ընթանալու է Հայաստանի տերիտորիայում, ու չնայած Իրանը կարծես թե փորձում է փակել «Զանգեզուրի միջանցքի» հարցը՝ «միջանցք» տալով ազերիներին սեփական տարածքով, սակայն միամտություն լինի կարծելը, թե Անկարան կարող է հրաժարվել իր այդ ռազմավարական ծրագրից, որի հիմնական նպատակներից մեկը հայոց պետականության ոչնչացումն ու նախորդ դարում տեղի ունեցած Ցեղասպանությունն իր լրմանը հասցնելն է:

Հայաստանի վիճակն իսկապես ծանր է, և ակնհայտ է, որ մեր երկիրը պատրաստ չէ հնարավոր պատերազմին ոչ միայն օբյեկտիվ, այլև հատկապես սուբյեկտիվ պատճառներով. Նիկոլն այնպես է կրծել հայկական բանակի կոկորդն ու մաշել պետականության ողնաշարը, որ մի փոքր հովիկն էլ անգամ կարող է այն կորստյան մատնել՝ ամայի ռազմադաշտի վերածելով ՀՀ ողջ տարածքը:

Սպասենք իրադարձությունների զարգացմանն ու հուսանք, որ մերձավորարևելյան կրակն այս անգամ էլ կհաջողվի մարել Կովկասից հեռու:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել