Ինտերը իդեալական տարբերակ կլիներ Սպերցյանի համար. իտալացի մասնագետ

Armsport.am-ը գրում է.

«Սպարտակի» նախկին սեփականատեր Լեոնիդ Ֆեդունի նախկին խորհրդական Ֆրանկո Կամոզին ասել է, թե իտալական որ թիմն իդեալական կլիներ «Կրասնոդարի» և Հայաստանի հավաքականի կիսապաշտպան Էդուարդ Սպերցյանի տեղափոխության համար։

«Սպերցյանը վաղուց պատրաստ է տեղափոխվել Եվրոպա։ Կարծում եմ, որ «Ինտերը» հիանալի տարբերակ է նրա համար»,- ասել է Կամոզին RB Sport-ին տված հարցազրույցում։

Ավելի վաղ ԶԼՄ-ները հայտնել էին Ա Սերիայի միանգամից մի քանի թիմերից Սպերցյանի նկատմամբ հետաքրքրության մասին։

Նախորդ մրցաշրջանում 23-ամյա Էդուարդ Սպերցյանը «Կրասնոդարի» կազմում անցկացրել է 41 խաղ՝ դառնալով 14 գոլի և 14 գոլային փոխանցման հեղինակ։ Transfermarkt-ը նրա տրանսֆերային արժեքը գնահատում է 12 միլիոն եվրո։