Մինչ Հայաստանը շարունակում է ընկղմվել համակարգային կոռուպցիայի ճահիճը՝ փաստ, որի մասին հստակ արձանագրումներ են անում նաև միջազգային կազմակերպությունները, Նիկոլի «վաստակները» փորձում են քարոզչական որոշակի ֆոն ստեղծել՝ միամիտներին, հայասանյան իրողություններին անտեղյակ մարդկանց խաբելու, թե իբր ՔՊ-ն, թևերը մինչև արմունկները քշտած, կոռուպցիայի դեմ պայքար է տանում:

Օրինակ՝ Նիկոլի վաստակներից Արշակյան Հակոբը, պարզվում է, Ջերմուկում մասնակցել է Հակակառուպցիոն քաղաքականության խորհրդի ընդլայնված նիստին, ինչից ներշնչված մի ֆեյսբուքյան ստատուս է երկնել և բացի այն, որ ինչ-որ լոլոներ է տռտռացրել կոռուպցիայի դեմ իրենց մղած «պայքարի» կարևորության մասին, միաժամանակ հայաստանցիներին սիրով հրավիրել է Ջերմուկ՝ վայելելու բարենպաստ եղանակային պայմանները: «Ջերմուկում ֆանտաստիկ եղանակ է, հնարավորության դեպքում անպայման այցելեք»,-հորդորել է ՔՊ-ականը ՀՀ քաղաքացիներին:

Ինչպես հայտնի է, կապված ամիսներ առաջ տեղի ունեցած ադրբեջանական ռազմական ագրեսիայի հետ՝ Ջերմուկը հայտնվել է թշնամական զորքերի ուղիղ թիրախում. թուրքի ասկյարները հանգստավայրից մի քանի հարյուր մետր հեռավորության վրա են գտնվում, ինչի պատճառով Ջերմուկը երկար ժամանակ վերածվել էր ուրվական քաղաքի: Հիմա էլ առանձնապես կյանքն այնտեղ չի եռում, և ակնհայտ է, որ եթե մեզ չհաջողվի թուրքերին հարկադրել հետ նահանջել, հանգստյան կարևորագույն այդ գոտուց, կարելի է ասել, Հայաստանը փաստացի կզրկվի մի դեպքում, երբ հայտնի է, թե որքան մեծ է քաղաքի նշանակությունը թե՛ ներքին զբոսաշրջության զարգացման, թե՛ օտարերկրյա տուրիստների համար Հայաստանն առավել գայթակղիչ դարձնելու տեսանկյունից:

Արշակյան Հակոբը բացահատորեն ծաղրել է հայաստանցիներին՝ հրավերք հղելով՝ այցելելու մի վայր, որի բանալիները Նիկոլը փաստացի տվել է թուրքերին: Փոխարենը լավ կաներ, եթե պարզաբաներ՝ ինչպես և կոնկրետգ ինչ ժամկետներում է ՔՊ-ն պատրաստվում քաղաքը թուրքի համար անհասանելի դարձնել, երբ են թշնամական զորքերը ՀՀ սուվերեն տարածքները լքելու, երբ է Տայաստանի տարածքային ամբողջականությունը վերականգնվելու:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել